Tant est subtil.

A Etienne du temple

Tant est subtil, et de grande efficace
Le tien esprit, qu'il n'est homme qui fasse
Chose qui plus honneur et los conserve.
Et ce qu'as fait, roi, seigneur, serf ne serve
Ne le fit onc: je mets Raison en face.

Qui veut descendre en la vallée basse,
Monté doit être avant en haute place:
Mais ton esprit tout le contraire observe,
Tant est subtil.

Descendu es des Temples, quant à race:
Et puis monté au temple, quant à grâce,
Je dis au temple excellent de Minerve.
Bref, ton descendre est d'antique réserve,
Et ton monter le ciel cristallin passe,
Tant est subtil.

Clément Marot. Aqui.