Ut queant laxis resonare fibris
mira gestorum famuli tuorum,
solve polluti labii reatum,
Sancte Johannes.
Nuntius caelo veniens supremo,
te patri magnum fore nasciturum
nomen et vitae seriem gerendae
ordine promit.
Ille promissi dubius superni
perdidit promptae modulos loquelae,
sed reformasti genitus peremptae
organa vocis.
Ventris obstruso positus cubili
senseras regem thamalo manentem
hinc parens nati meritis uterque
abdita pandit.
Laudibus cives celebrant superni
te, Deus simplex pariterque trine,
supplices ac nos veniam precamur,
parce redemptis. Amen.
Sem comentários:
Enviar um comentário